Atalanta mposhti 4-1 Fiorentinën dhe siguroi kualifikimin në finalen e Kupës së Italisë.

Zikaltrit nga Bergamo përmbysën humbjen 1-0 në Firence dhe kanë shansin të hakmerren ndaj Juventusit.

Ekip përballë të cilit humbën 2-1 finalen e vitit 2021. Maarten De Roon, një nga ekspertët e skuadrës së Gasperinit, beson te fitorja kundër bardhezinjve të Allegrit në kryeqytetin italian.

“Jemi shumë të lumtur, sidomos pas humbjes në Firence. Është kënaqësi e madhe të rikthehesh në finale. Patëm fat që shënuam shpejt, goli na shtoi vetëbesimin. Më pas u bë një ndeshje disi e pistë.Pjesën e dytë e nisëm fuqishëm, kishim shumë hapësira. Keqardhje vetëm për golin e pësuar nga goditja standarte, por jemi shumë të kënaqur që siguruam kalimin në finale.

Juventusi? Ne jemi në gjendje të mposhtim çdo kundërshtar, por nuk do e kemi të lehtë. Juvja ka përvojë në finale, ata janë një skuadër e madhe që e gjejnë golin edhe kur vuajnë”, u shpreh 33-vjeçari holandez.

Atalanta-Juventus do të zhvillohet në datën 15 maj (18:00) në “Olimpico”.